ایک نوجوان کو مبینہ طور پر بھارت کے لیے جاسوسی کرنے اور بھارتی خفیہ ایجنسیوں کو حساس معلومات فراہم کرنے کے الزام میں راولاکوٹ سے گرفتار کیا گیا ہے۔ مظفرآباد کے پنجگراں پولیس اسٹیشن میں 23 جولائی کو درج کی گئی ایف آئی آر کے مطابق، کھائی گلہ کے گاؤں کے رہائشی محمد عبید جہانگیر نے مبینہ طور پر حالیہ مئی میں آزاد کشمیر پر حملے سمیت پاکستان پر حملے کی سہولت فراہم کرنے کے لیے معلومات شیئر کی تھیں۔ کشمیر ڈیجیٹل کے پاس دستیاب ایف آئی آر، جہانگیر نے بھارتی خفیہ ایجنسی را کو مظفرآباد میں بلال مسجد نالہ شوائی کی جی پی ایس لوکیشن واٹس ایپ کے ذریعے فراہم کی اور اس کے بدلے میں اس نے خطیر رقم وصول کی۔ اس پر بھارتی خفیہ ایجنسیوں کو اہم تنصیبات کے بارے میں حساس معلومات فراہم کرنے کا الزام ہے۔ مظفرآباد.مقامی لوگوں نے دعویٰ کیا کہ ملزم کا تعلق کالعدم عسکریت پسند تنظیم سے ہے اور اس کا چچا شوکت اسی تنظیم کا سرکردہ رہنما ہے۔ کہا جا رہا ہے کہ یہ خاندان مقبوضہ کشمیر سے ہجرت کر کے یہاں کھائی گلہ میں آباد ہوا تھا۔یاد رہے کہ 6 اور 7 مئی کی درمیانی شب مظفر آباد میں بلال مسجد کو بھارتی بزدلانہ حملے میں نشانہ بنایا گیا تھا جس میں مسجد کے امام سمیت 2 افراد شہید ہو گئے تھے۔