خیبرپختونخوا کے ضلع صوابی میں خواجہ سرا برادری سے تعلق رکھنے والے شخص نے اپنی جان لے لی۔ صوابی مارکیٹ کے امان بازار میں خواجہ سرا نے سمیع اللہ عرف بے بی نے پنکھے سے لٹک کر اپنی جان لے لی۔تفصیلات کے مطابق خواجہ سرا نے پنکھے سے رسی لٹکا کر جان لے لی۔ پولیس نے موقع پر پہنچ کر لاش کو پنکھے سے اتار کر ڈی ایچ کیو ہسپتال منتقل کر دیا۔ تاہم، خواجہ سرا برادری کا دعویٰ ہے کہ یہ خودکشی نہیں قتل ہے کیونکہ گزشتہ چند دنوں سے بے بی کے ساتھ کچھ معاملات چل رہے تھے۔ پولیس نے بتایا کہ مزید تفتیش جاری ہے اور کیس کی مزید وضاحت کے لیے پوسٹ مارٹم کیا جائے گا۔ ٹرانسجینڈر برادری کے بہت سے لوگ اسپتال میں موجود ہیں اور انصاف کا مطالبہ کر رہے ہیں۔